2026 жылғы 29-31 мамыр күндері аралығында облыс аумағында «Жасөспірім» жедел-профилактикалық іс-шарасы өткізілді. Профилактикалық шараға барлығы 409 қызметкер жұмылдырылды. Оның ішінде 325 полиция қызметкерлері, 71 білім беру ұйымдарының өкілі және жергілікті атқарушы әрі өзге де мемлекеттік органдардың 13 өкілі қатысты.
Үш күндік профилактикалық жұмыстардың нәтижесінде 265 әкімшілік құқық бұзушылықтың жолы кесіліп, тиісті әкімшілік хаттамалар ресімделді. Сонымен қатар 2 кәмелетке толмаған жасөспірім профилактикалық есепке алынып, қадағалаусыз және панасыз қалған 3 жасөспірім Кәмелетке толмағандарды бейімдеу орталығына орналастырылды.
Әкімшілік құқық бұзушылық туралы кодекстің 132-бабы бойынша кәмелетке толмағандардың түнгі уақытта ойын-сауық мекемелерінде болуына жол берудің 10 дерегінің жолы кесілді.
ӘҚБтК-нің 434-2-бабы бойынша кәмелетке толмағандардың бұзақылық жасауының 3 дерегі тіркеліп, олардың заңды өкілдеріне қатысты әкімшілік хаттамалар толтырылды.
Сондай-ақ ӘҚБтК-нің 442-бабы бойынша кәмелетке толмағандардың түнгі уақытта заңды өкілдерінің еріп жүруінсіз ойын-сауық орындарында немесе тұрғын жайдан тыс жерде болуының 252 дерегінің жолы кесіліп, заңды өкілдері әкімшілік жауапкершілікке тартылды.
Кәмелетке толмағандарды тәрбиелеу, оқыту және бағып-күту жөніндегі міндеттерін тиісінше орындамаған 3 ата-ана профилактикалық есепке алынды.
Рейд барысында шаншып-кесетін заттарды алып жүрудің 1 дерегінің жолы кесілді.
Жасөспірімдер арасындағы құқық бұзушылықтардың алдын алу, олардың қауіпсіздігін қамтамасыз ету және құқықтық мәдениетін қалыптастыру бағытындағы профилактикалық жұмыстар алдағы уақытта да өз жалғасын табатын болады.