Қармақшы ауданында халықаралық деңгейдегі сайыстар жиі өтеді. Әрине, іс-шараның жоғары деңгейде ұйымдастырылуынан бөлек, қоғамдық қауіпсіздік те басты орында болғаны дұрыс. Осы тақырыпта аудан әкімінің орынбасары Диас Молдабаевтың төрағалығымен жиын өтті.
Жиын барысында 2026 жылғы 16-23 маусым аралығында ауданымызда өтетін ауыр атлетикадан жасөспірімдер арасындағы Қазақстан Республикасының чемпионатын өткізу кезеңінде қоғамдық қауіпсіздікті қамтамасыз ету мәселесі мен 2026 жылғы 19-28 маусым аралығында өткізілетін «Айбын-2026» арнайы тактикалық оқу-жаттығу жиынына дайындық жұмыстарын ұйымдастыру барысы қаралды.
– Өңірде атқарылатын әрбір іс-шара жоғары деңгейде болғаны дұрыс. Әсіресе, қоғамдық қауіпсіздік назарда болсын. Әрбіріміздің әрекетіміздің артында ауданның абыройы мен беделі тұр. Сондықтан, әрбір іске жауапкершілікпен қарайық, – деді Д.Молдабаев.
Күн тәртібіндегі 2 мәселе бойынша жауапты басшыларға іс-шараларды жоғары деңгейде өткізіп, қатысушылар мен тұрғындардың қауіпсіздігін қамтамасыз ету, қоғамдық тәртіпті сақтау және тиісті ұйымдастыру жұмыстарын сапалы жүргізу жөнінде бірқатар тапсырмалар берілді.
Қармақшы ауданы әкімінің баспасөз қызметі
