Заман талабына сай қай мекеме болмасын электрондық базамен жұмыс жасайды. Азаматтар мен заңды тұлғалардың осы органдарға құжат жолдауының тиімді жолдары жасалып, жұмыс жасауда. Ендігі күн тәртібіндегі электрондық құжат алмасу талаптарының сақталуы болып отыр. Электрондық құжатқа қойылатын техникалық талаптар және оның соттың автоматтандырылған ақпараттық жүйесінде айналыс қағидаларын бекіту туралы»  Қазақстан Республикасы Жоғарғы Сотының жанындағы Соттардың қызметін қамтамасыз ету департаменті басшысының 2020 жылғы 29 шілдедегі №18 бұйрығы бекітілді.

Электрондық құжатқа электрондық құжаттың мәтінінде оған қол қойған тұлға немесе қол қоюға өкілеттігі бар оның өкілі ретінде көрсетілген тұлғаның ЭЦҚ / электрондық цифрлық қолтаңба/ қойылады. Яғни электрондық сервистерде электрондық цифрлық қолтаңба қойылатын құжат түпнұсқа болып, оған тіркелген құжаттар көшірме болып есептеледі.

Талап қоюды «Сот кабинеті» қосымшасына ЭЦҚ арқылы тіркеліп жолдауға болады. Сот кабинеті қосымшасында сұратылған деректерді толтырғаннан кейін талап қою автоматты түрде қалыптасады, яғни соттан үлгі сұрау қажеттілігі жоқ. Ал дәлелдемелерді жеке жеке тіркеп, құжаттың атауы оның мәтініне сәйкес таңдалып сақтала отырып жолдануы қажет.

Қызылорда қалалық сотының жетекші маманы

Мұханбетқали Көркем