Ауданымызда әлеуметтік — экономикалық өсім, инфрақұрылымдарды жаңғырту және басқа да салаларда жүйелі жұмыстар жүзеге асырылуда.
Бюджет бойынша.
2026 жылға аудан бюджеті 9,0 млрд теңге болып бекітілді. Ағымдағы жылдың қаңтар–мамыр айларында түсімдер 4,1 млрд теңгеге атқарылып, 102,4 пайызды құрады.
Аудандық бюджеттің өз кірістері ағымдағы жылдың 5 айында 1,3 млрд теңгені құрап, бекітілген жоспардан 108,0 пайызға немесе 97,5 млн теңгеге жергілікті бюджет жоспары артық орындалды.
Макроэкономикалық көрсеткіштер бойынша.
Барлық бағыт бойынша 100 және 100-ден жоғары көрсеткішке қол жеткіздік.
Ауыл шаруашылығы саласы бойынша.
Өздеріңізге белгілі, Қармақшы ауданы ауыл шаруашылығы саласына негізделген аудан.
Сондықтан, макроэкономикалық көрсеткіштердің басым бөлігі ауыл шаруашылығы саласындағы жетістіктерге байланысты.
2026 жылы ауданда 24 788 гектар егіс егілді.
Оның ішінде: 11449 гектар күріш, биыл бірінші рет 733 гектар дәндік жүгері.
Елді мекен тұрғындары өз — өздерін бақша өнімдерімен қамтамасыз ету мақсатында 960 отбасыға 420 гектар жер бөлінді.
2026 жылы Қармақшы ауданы бойынша су лимиті 523,10 млн. текше метр болса, 224,57 млн. текше метр су егістікке алынды.
Аудан бойынша 2026 жылдың қаңтар-мамыр айларында
барлық төрт түлік малдың өсімі қалыптасты.
Егін жұмыстары жақсы нәтиже берсе, алдағы уақытта, суды көп қажет етпейтін дақылдардың көлемін арттырамыз деп жоспарлап отырмыз.
Осыған байланысты, су үнемдеу аясында 33 шаруашылық каналдарының 36,6 шақырымды құрайтын 6 каналын бетондау бойынша «Жаңажол» жауапкершілігі шектеулі серіктестігінің демеушілігімен жоба-сметалық құжаттамалары әзірленуде.
Т. Көмекбаев ауылдық округі «Қарақ» учаскесіндегі 5 көзді гидротехникалық құрылысқа 19,5 млн теңгеге жөндеу жұмыстарын жүргізілді. Қазіргі таңда су тоспасы қалыпты жағдайда жұмыс жасап тұр.
Иіркөл ауылдық округіне қарасты «Жапалақ» каналының 4,5 шақырымына 7,0 млн. теңгеге механикалық тазалау жұмыстары жүргізілуде.
Кәсіпкерлік саласы бойынша.
Ауыл шаруашылығымен қатар, ауданның экономикалық дамуына тікелей әсер ететін шағын және орта кәсіпкерліктің дамуы да басты назарда.
2026 жылдың 1-ші маусымына тіркелген кәсіпкерлік субъектілердің саны 2 837 бірлік болса, оның ішінде, белсенді жұмыс жасайтыны 2 701 бірлікті құрайды (үлесі 95,2 пайызды құрады).
Ағымдағы жылы маусым айында Жосалы кентінде сауда және қызмет көрсету саласында екі кәсіпкерлік нысанның құрылысы аяқталды.
Анықтама үшін:
- Жеке кәсіпкер Урикбаева Гулшаттың құны 40 млн теңге болатын «Ауыл» рестораны маусым айында ашылды.
- Жеке кәсіпкер Үкібаева Тиішкүл Жалғасқызының 60 млн теңге болатын «Ырыстыжан» сауда орталығының ашылуына дайындық жұмыстары жүргізілуде.
2026 жылдың басынан бері мемлекеттік қаржылай қолдау бағдарламалары шеңберінде 37 жоба құны 323,5 млн. теңгеге жуық қаржыға несиелендірілді.
Оның ішінде:
1) «Ауыл аманаты» бағдарламасы шеңберінде 35 жобаға 289,5 млн. теңге;
2) Аграрлық несие корпорациясынан 2 жобаға 34,0 млн. теңге несие берілді.
Өңірлік Үйлестіру Кеңесінің шешімімен ауданда жалпы құны 67,5 млрд теңге болатын 4 инвестициялық жобаны іске асыру мақұлданып, сүйемелдеуге алынды, жобалар іске қосылғанда 168 жаңа жұмыс орындары ашылады:
Бірінші жоба — «Джи Пауер Энерджи» жауапкершілігі шектеулі серіктестігінің «Күн электр станциясын және деректерді өңдеу орталығын салу» жобасын іске асыру қолға алынды. Жобаға аудан аумағынан 200 гектар жер учаскесі берілді (Жосалы кентінің шығыс беті).
Жобаны жалпы құны 29,5 млрд теңге. Жоба іске қосылғанда 45 жаңа жұмыс орындары ашылады. Жобалық қуаттылығы 100 мВт электр энергиясы және деректерді өңдеу орталығы жұмыс жасайды.
Екінші жоба — «Алтын Нью Энерджи» жауапкершілігі шектеулі серіктестігінің күн электр станциясын салу жобасы. Жобаны іске асыруға 50 гектар жер учаскесі берілді (Жосалы кентінің шығыс беті).
Жоба құны 19,4 млрд теңге. Жоба қуаттылығы 50 МВт күн электр станциясы. Тұтынушы «КЕГОК» акционерлік қоғамы. Жоба іске қосылғанда 50 адамға дейін жұмыс орындары ашылады.
Үшінші жоба — «Ориентал Энерджи Казахстан» жауапкершілігі шектеулі серіктестігінің күн электр станциясының құрылысын салу жобасы. Жобаны іске асыруға 50 гектар жер учаскесі берілді (Жосалы кентінің шығыс беті).
Жоба құны 18,0 млрд теңге. Жоба қуаттылығы 50 МВт күн электр станциясы. Тұтынушы «КЕГОК» акционерлік қоғамы. Жоба іске қосылғанда 50 адамға дейін жұмыс орындары ашылады.
Төртінші жоба — «Алаш метан» жауапкершілігі шектеулі серіктестігінің «Метан бекеттерін салу» жобасын іске асыруға «Батыс Еуропа – Батыс Қытай» автодәлізінің бойынан 1 гектар жер учаскесі берілді (Төребай би ауылының тұсы). Жоба құны 600,0 млн теңге, жоба іске қосылғанда 23 жаңа жұмыс орындары ашылады. Жобаның қуаттылығы жылына 6,9 млн м/куб метан газын сату (Жоба автокөліктерге метан газын құю бекеттерін қарастырады және бекеттерде қызмет көрсету орындары жұмыс жасайды (мотель, кафе, дүкен т.с.с.).
Білім беру саласы бойынша.
Еліміздің әл-ауқатын дамыту мен экономикасын жетілдіру жолындағы ұстанған басты басымдықтардың бірі білім беру саласы екені белгілі.
2025 — 2026 оқу жылында 14 872 оқушы білім алып, 903 мектеп бітірушінің 823 оқушысы, яғни 91,1 пайызы Ұлттық бірыңғай тестілеуге қатысуға тіркелді.
Оның ішінде, 60 түлек «Алтын белгі» және 81 түлек «Үздік аттестат» иегері атанды.
Республикалық олимпиаданың облыстық кезеңіне 123 оқушы қатысып 38 оқушы жүлдегер атанса, 21 оқушы Алғыс хат иеленді.
Байқоңыр қаласындағы Ресей федерациясына қарасты №21 «Василек» бөбекжай–бақшасы мемлекет аралық келісім бойынша білім бөлімі теңгеріміне алынып, биылғы жылдың 26 наурызынан бастап №26 бөбекжай-балабақшасы болып өз жұмысын бастады.
Алдағы жаңа оқу жылынан бастап Байқоңыр қаласындағы Ресей федерациясына қарасты М.К. Янгель атындағы №7 мектеп ҚР білім беру стандартымен оқытатын мектепке ауыстыру жоспарлануда.
Аудандық Өнер мектебінің ғимаратын табиғи газға көшіру аясында 7,3 млн теңгеге құрал-жабдықтар сатып алынып, демеушілік («ГазАтомСервис» ЖШС) есебінен құрылыс жұмыстары жүргізілді. Нысанның бу қазандығы пайдалануға берілді.
Денсаулық сақтау саласы бойынша:
Аудандық аурухана жалпы құны 584 млн. теңге қаржыға жаңа медициналық құрал – жабдықтармен қамтылып, халыққа қызмет көрсетуде.
Аудандық жедел медициналық көмек бөлімшесіне жеке ғимарат бөлінді.
Аудан орталығында медициналық көмек көрсететін қызмет мекемелерінде барлығы 6 санитарлық автокөлік қызмет көрсетеді.
Елді мекендердегі 6 дәрігерлік амбулаторияларда және шалғай орналасқан 1 фельдшерлік пункте 6 жедел жәрдем автокөлігі бар.
Әлеуметтік сала бойынша.
Әлеуметтік салаға келсек халықты жұмыспен қамту, жаңа жұмыс орындарын ашу біздің басты міндетіміз.
2026 жылдың 5 айында жұмыс іздеуші ретінде «Мансап орталығына» хабарласқан 2653 адамның 769 адамы тұрақты және уақытша жұмыс орындарына орналастырылды.
Аудан бойынша 769 жаңа жұмыс орны ашылды (жылдық жоспардың 28,9 пайызы).
70 отбасыға 21,7 млн. теңге атаулы әлеуметтік көмек төленді.
Атаулы әлеуметтік көмек алатын отбасылардағы 115 балаға 2,3 млн. теңге әлеуметтік көмек төленді.
Атаулы әлеуметтік көмек алушылар қатарындағы жұмыссыз 12 азамат жұмыспен қамтылды.
Мектепке қажетті оқу құралдарымен қамтамасыз ету мақсатында 105 ерекшелігі бар балаға 5,3 млн. теңге әлеуметтік көмек тағайындалды.
9 Мамыр «Жеңіс күніне» орай 269 ардагерге 56,1 млн. теңге (50-АЕК көлемінде 216 250 теңге) бір реттік әлеуметтік көмек төленді.
Анықтама үшін: Тыл ардагерлері–82, Ауғанстан-60, Басқа мемлекеттерде әскери қызметін өткеру кезінде ауруға шалдығуы салдарынан мүгедек болған әскери қызметшілер — 2, Ауған-Тәжік–40, Таулы Карабах-20, Ирак-1, Чернобыль-17, Семей-26, Совет армиясының мүгедегі-9, Ядролық сынақ салдарынан қайтыс болған отбасылар – 12.
251 отбасына (535 отбасы мүшесі) 15,5 млн. теңге тұрғын үй коммуналдық шығындарын өтеуге қаржы төленді.
Жастар тәжірибесімен 20 адам 10 мекемеге (Қармақшы-15 адам, Байқоңыр қаласы-5 адам) жолданды.
Әлеуметтік жұмыс орындарына 4 адам мекемеге (Қармақшы-1 адам, Байқоңыр қаласы-3 адам) жолданды.
Қоғамдық жұмысқа 302 адам 80 мекемеге жолданды (Қармақшы-272, Байқоңыр қаласы-30).
Халықтың әлеуметтік осал топтарын қолдау мақсатында ерекше жандарды тасымалдау («Инватакси») қызметіне Қармақшы ауданы және Байқоңыр қаласы бойынша 3562 өтінім қабылданып, 112 адамға қызмет көрсетілді.
Сонымен бірге, халықтың әлеуметтік осал топтарын қолдау мақсатында ағымдағы жылы жалпы құны 3,0 млрд теңге болатын 2 пәтерлі 100 тұрғын сатып алу жоспарлануда.
Анықтама үшін: 2023 жылы – 51 пәтер, 2024 жылы – 156 пәтер, 2025 жылы — 60 пәтер берілді.
Жыл басынан «Дипломмен ауылға» бағдарламасы аясында 50 жас маманға 21,6 млн. теңгенің көлемінде көтерме жәрдемақы төленді.
Сондай – ақ, 20 жас маманға құны 205,4 млн. теңгеге тұрғын үй алуға несие беру жоспарлануда.
Аудан бойынша бюджеттен тыс демеушілер есебінен көмекке мұқтаж 605 адам 11,3 млн. теңге көлемінде азық — түлікпен және басқа да көмектермен қамтамасыз етілді.
Спорт саласы бойынша.
Қазақстан Республикасының құрама командаларының қатарына 9 спортшымыз алынды.
Биылғы жылдың ерекшелігі 17-23 маусым аралығында ауданымызда тұңғыш рет ауыр атлетикадан жасөспірімдер арасындағы Қазақстан Республикасының чемпионаты өтті. Чемпионатқа еліміздің 14 облысынан 300 жуық спортшы қатысты.
Аудан спортшылары Халықаралық, республикалық сайыстарда 13 медаль иеленді.
Аудан бойынша 11 спортшы түрлі деңгейлердегі дәріжелерге ие болды.
Ауданда халықтың спорттық инфрақұрылыммен қамтамасыз ету мақсатында құны 11,5 — 36,8 млн теңге аралығында болатын спорт-ойын алаңдарының құрылысы жүргізілуде.
Ұлттық спортты дамыту мақсатында ауданда алғашқы рет демеушілер есебінен «Ақтөбе и К» ЖШС-нің қолдауымен Ақтөбе ауылында жалпы құны 80,0 млн. теңге болатын «Ипподром» құрылысы жүргізілуде, ағымдағы жылы пайдалануға беріледі.
Мәдениет саласы бойынша
Ауданда жалпы мәдениет саласы бойынша 34 мекеме халыққа қызмет көрсетеді. Мәдениет ұйымдарында 120 үйірме жұмыс жасайды. 2026 жылдың 5 айында тұрғындардың мәдени-рухани дамуын арттыру мақсатында 873 мәдени шара өткізілді.
Мәдениет ұйымдарына қарасты үйірмеге қатысушылар 28 байқауға қатысып, 50 жүлделі орындар алды.
Жыл басынан бері мәдениет ұйымдарының материалдық-техникалық базасын нығайту мақсатында 2,5 млн теңге бөлініп, Ш.Төлепова атындағы аудандық мәдениет үйіне музыкалық аспаптар және ұлттық киімдер алынды.
Анықтама үшін: Ш.Төлепова атындағы аудандық мәдениет үйіне 1,2 млн теңгеге ұлттық киімдер, 1,3 млн теңгеге барабан құрылғылары алынды.
Қармақшы ауданы бойынша бүгінгі күні 66 тарих және мәдениет ескерткіштері мемлекет қорғауына алынған.
2025 жылы аудандық бюджеттен 8,7 млн теңгеге 15 ескерткішке құжаттандыру жұмыстары жүргізілсе, 2026 жылы 4,7 млн теңгеге 7 ескерткіштің құжаттары рәсімделуде.
Жастар саясаты бойынша
Аудан жастарының бос уақыттарын тиімді ұйымдастыру және жастар арасында салауатты өмір салтын қалыптастыру мақсатында аудан көлемінде 88 түрлі бағыттағы шаралар өткізіліп, 6 мыңнан астам жастар қамтылды.
«Жасыл Ел» жастар жасағы жобасы аясында 2026 жылға 110 жас жұмыспен қамтылатын болады. Маусым айында 40 жас жұмыспен қамтылды.
Жоба соңына дейін жоспарға сай қалған 70 жас жұмыспен қамтылатын болады.
2026 жыл «Цифрландыру және жасанды интеллект (ЖИ) жылы» деп жарияланды. Осыған байланысты, жастардың цифрлық сауаттылығын арттыру мақсатында «Руханият орталығынан» IT парк Қызылорда орталығының филиалы ашылып жұмыс жүргізуде.
Бұл орталықта кез келген жас тегін түрде жасанды интеллект және цифрландыру бойынша білім алуға мүмкіндіктері бар.
Газдандыру жұмыстары бойынша
Ауданда елді мекендерді газдандыру бағытында ауқымды жұмыстар жүргізілуде.
Ағымдағы жылы республикалық бюджеттен 250,0 млн. теңгеге Иіркөл (Жоба құны — 378,9 млн. теңге, 2026 жылы бөлінген қаржысы 110 млн. теңге) және Төребай би (Жоба құны — 497,1 млн. теңге, 2026 жылы бөлінген қаржысы 140 млн. теңге) ауылдарына газ желілерін тарту жұмыстарына қаржы қаралып, құрылыс жұмыстары жүргізілуде.
Қазіргі таңда, аудан халқының 74,8 пайызы табиғи газдын игілігін көруде. Жоба жүзеге асқанда көрсеткіш 76,9 пайызға орындалады деп күтілуде.
Сонымен қатар, демеуші есебінен ІІІ Интернационал ауылын газдандырудың жоба-сметалық құжаттамалары әзірленуде, ал Ақтөбе, Ақжар ауылдары бойынша келіссөздер жүргізілуде.
Электр желілері бойынша
Қармақшы ауданы бойынша 2024 жылы 2 ауылдық округінде, 2025 жылы 2 ауылдық округінде электр беру желілерін қайта жаңғырту жұмыстары жүргізілсе, биылғы жылы жалпы құны 1,7 млрд. теңге теңге болатын 4 ауылдық округі бойынша сұратылған қаржы оң шешімін тауып, құрылыс жұмыстары басталатын болады.
Осылай кезең-кезеңімен 2028 жылға дейін тозығы жеткен электр желілерін 90 пайызға жаңартамыз.
Анықтама үшін:
— Қызылорда облысы, Қармақшы ауданы, Қармақшы ауылы және Қызылтам елді мекеніндегі тұрғын үйлер секторының инженерлік-коммуникациялық инфрақұрылым құрылысы» Жоба құны – 830,0 млн теңге;
— «Қызылорда облысы, Қармақшы ауданы, Ақжар елді мекеніндегі тұрғын үйлер секторының инженерлік-коммуникациялық инфрақұрылым құрылысы» Жоба құны – 373,2 млн теңге;
— «Қызылорда облысы, Қармақшы ауданы, ІІІ Интернационал елді мекеніндегі тұрғын үйлер секторының инженерлік-коммуникациялық инфрақұрылым құрылысы» Жоба құны – 374,2 млн теңге;
— «Қызылорда облысы, Қармақшы ауданы, Алдашбай Ахун елді мекеніндегі тұрғын үйлер секторының инженерлік-коммуникациялық инфрақұрылым құрылысы» Жоба құны – 209,7 млн теңге.
Ауыз су бойынша
Аудан бойынша барлық елді – мекен тұрғындары орталықтандырылған ауыз — су жүйесіне қосылған.
Ауыз сумен қамтамасыз етуді дамыту шеңберінде жалпы құны 3,7 млрд. теңге болатын 5 жобаны қаржыландыру бағытында тиісті жұмыстар жасалуда.
Анықтама үшін:
— Қармақшы ауданы «Иркөл» ІІІ көтермесінен Төребай би елді мекенінің бұрылысына дейінгі магистральды су құбырын қайта жаңарту және 2 ұңғыманы бұрғылау.Түзету» Жоба құны – 543,4 млн теңге;
— Қызылорда облысы, Қармақшы ауданы, Ақжар елді мекенін сумен жабдықтау құрылысын реконструкциялау. Жоба құны – 151,2 млн теңге;
— Қызылорда облысы, Қармақшы ауданы, Ақтөбе елді мекенін сумен жабдықтау құрылысын реконструкциялау. Жоба құны – 203,6 млн теңге;
— Қызылорда облысы, Қармақшы ауданы, Қуаңдария елді мекенін сумен жабдықтау құрылысын реконструкциялау. Жоба құны – 276,2 млн теңге;
— Қызылорда облысы, Қармақшы ауданы, Жосалы кентіндегі «Тәуелсіздік» шағын ауданының тұрғын үйлеріне су құбыры желісін жеткізумен бірге, кентішілік су құбыры желісін салу. Түзету. Жоба құны– 2,5 млрд теңге.
Жалпы құны 12,6 млрд. теңгені құрайтын Байқоңыр қаласын сумен жабдықтау және су бұру жүйелерін реконструкциялау жобасы жүзеге асырылуда.
Жол инфрақұрылымын күтіп ұстау бойынша
Аудан көлемінде жол жөндеу, көше жарығы, жаяу жүргіншілер жолы бойынша жұмыстар қарқынды атқарылуда.
Аудандық маңызы бар автомобиль жолдарының жалпы ұзындығы — 155,3 шақырым, оның ішінде:
асфальтты — 148,8 шақырым,
қиыршық тасты — 6,5 шақырым.
2026 жылға жол инфрақұрылымдарын күтіп ұстауға 37,4 млн. теңге қаралып, мердігер мекеме жұмыстарын жүргізуде.
Аудан бойынша биылғы жылы жалпы құны 1,7 млрд. теңге болатын 5 көшеге күрделі жөндеу жұмыстары жүргізілуде.
Облыстық маңызы бар «Жалағаш-Жосалы» автомобиль жолының 46 шақырымындағы (Қызылтам елді мекенінің тұсы) темір жол арқылы өтетін көпірді күрделі жөндеу жұмыстарына 1,4 млрд. теңге бөлініп, құрылыс жұмыстары жүргізілуде.
Төретам кентіндегі жолаушы тасымалымен айналысатын «Тұлпар-Байқоңыр» жауапкершілігі шектеулі серіктестігімен келіссөздер жүргізіліп, Жосалы кентіндегі кәсіпкерлік нысан жанынан Қызылорда-Төретам бағытындағы қалааралық жолаушылар тасымалына билет кассасын ашу жоспарлануда.
Сонымен қатар, тоқтап қалған Төретам кенті және Ақай ауылын қамтитын Байқоңыр қалалық №1, 2 маршруттарын іске қосу бойынша сызбасы әзірленуде және субсидиялауға жататын бір жылдық болжамды шығындары есептелді. Тасымалдаушы мердігер мекеме («Кад-Нұр» жауапкершілігі шектеулі серіктестігі) анықталып, алдағы уақытта жұмыстарын бастайтын болады.
Анықтама үшін:
Есептемеге сәйкес №1 бағытқа 30 249,6 мың теңге және №2 бағытқа 47 260,6 мың теңге барлығы 77 510, 3 мың теңге анықталды.
Аудан бойынша демеушілік есебінен жалпы құны 3,4 млрд. теңге болатын 38 көшеге жөндеу жұмыстарының жобасы әзірленді. Қаржыландыру мәселесі оң шешімін тапты. Жөндеу жұмыстары алдағы 2026-2028 жылдары жүзеге асырылады.
Жосалы кенті Мырзағалиева көшесінен темір жол өткелін салу жобасы бойынша барлық құжаттары рәсімделіп, барлық тиісті органдардан келісімдері алынды, қаржысы күтілуде. Жобаның жалпы құны – 5,5 млрд. теңге.
Анықтама үшін: Жоба аясында ұзындығы 84,7 метр, ені 9 метр болатын жол өткелі, ұзындығы 540 метр жаяу жүргіншілер жолы және барлығы 143 дана көше жарығы шамдарын орнату жоспарлануда.
Абаттандыру бойынша
Биылғы жылы елді мекендерді абаттандыру мен халыққа жайлы өмір сүруге қолайлы жағдай жасау мақсатында 4 көшеге жаяу жүргіншілер жолын салу үшін 299,3 млн.теңге қаржы қарастырылып, құрылыс жұмыстары жүргізілуде.
Анықтама үшін: Жосалы кентінде Т.Рысқұлов көшесіне 197,1 млн. теңге, Балқы базар көшесіне 43,3 млн. теңге, Ораз Ахун көшесіне 49,2 млн. теңге және Қуаңдария ауылындағы Бәйтерек көшесіне 9,7 млн.теңге бөлінген.
Жосалы кенті әкімінің аппаратына теңгерімдегі ғимаратқа ағымдағы жөндеу жұмыстарын жүргізуге аудандық бюджеттен 21,0 млн. теңге қаржы қаралып, жөндеу жұмыстары жүргізілуде.
Аудандық бюджеттен көгалдандыру жұмыстарына 30,7 млн теңге бөлініп, жұмыстар жүргізілуде.
Т.Көмекбаев ауылдық округінің Шобанқазған және Кекірелі елді мекендеріндегі сымсыз интернет тарату станциясын электр энергиясымен қамтамасыз ету мақсатында аудандық бюджеттен 6,9 млн теңгеге күннен энергия алатын панельдер және батереялар орнатылды.
Аудан бойынша 11 ауылдық округке 44 дана (әр қайсына 4 данадан) бейнебақылау камераларын орнату жұмыстарына 27,6 млн.теңге бөлінді.
Ақай ауылдық округіндегі көшелеріне 5 дана автобус аялдамаларын дайындау және орнату жұмыстарына аудандық бюджеттен 5,3 млн теңге қаржы қаралып, қазіргі таңда жұмыстарының 90 пайызы аяқталды.
Жоба құны 2,4 млрд. теңгені (Жосалы кенті вокзалы 1379,0 млн.теңге, Төретам кенті вокзалы 1049,0 млн. теңге) құрайтын Жосалы және Төретам кенттеріндегі темір жол вокзалдарының ғимаратын күрделі жөндеу және аудандық бюджеттен 29,2 млн. теңгеге (Жосалы кенті вокзалы абаттандыру 15,4 млн.теңге, Төретам кенті вокзалын аббаттандыру 13,8 млн. теңге) абаттандыру жұмыстары жүргізілуде.
Ауыл тұрғындарының қауіпсіздігін нығайтуға бағытында Алдашбай ахун ауылында «Ауыл құтқарушылары» ерікті өртке қарсы құрылымы пайдалануға берілді.
Аталған бекет Алдашбай ахун ауылының 700-ге жуық тұрғынының қауіпсіздігін қамтамасыз етеді және төтенше жағдайлар кезінде жедел әрекет ету мүмкіндігін жақсартып, ауыл тұрғындарының алаңсыз өмір сүруіне жағдай жасайды.
Бұндай игі бастама Ақтөбе ауылдық округінде жүзеге асуда.
2026 жылдың басынан «Заң мен тәртіп» қағидасы аясында қоғамда құқық бұзушылықтың алдын алу, аудан тұрғындарының құқықтық сауаттылығын арттыру мақсатында құқық қорғау органдарының қатысуымен 5 кездесу және
3 жеке қабылдау өткізілді.
Жастар арасында құқық бұзушылықтың, оның ішінде топтық төбелестің алдын алу бағытында күнделікті түнгі мезгілде Жосалы кентін аралау үшін жұмысшы тобы құрылған. Жұмысшы топтың құрамына құқық қорғау органдарының, білім бөлімінің, мемлекеттік мекемелердің қызметкерлері енгізілген.
*****
Өздеріңізге белгілі, Мемлекет басшысы Қасым-Жомарт Кемелұлы Тоқаевтың тапсырмасына сәйкес 2024 — 2029 жылдар аралығында «Таза Қазақстан» тұжырымдамасы қабылданды.
Осыған сәйкес, Қармақшы ауданына қарасты барлық елді мекендерде әр апта сайын «Таза Қазақстан» экологиялық бағдарламасы аясында санитарлық тазалық жұмыстарын жүргізу бағытында әр апта сайын 155-тен аса мекемелер, 2700 адам және 15 техника сенбілікке тартылды.
Бұған қоса, аудан тұрғындары, кәсіпкерлер, еріктілер және аудан жастары да сенбілік жұмыстарына белсене ат салысып атаулы акциялар жүйелі өткізілуде.
Анықтама үшін: 2026 жылы аудан бойынша санитарлық – тазалықты қамтамасыз етуге аудандық бюджеттен 29,8 млн теңге бөлінді. Оның ішінде, Жосалы кентіне – 15 млн теңге, Төретам кентіне – 12 млн теңге, Ақай ауылдық округіне – 2,8 млн теңге бөлінді.
2026 жылы аудан бойынша көркейту – көгалдандыру жоспарына сәйкес 6 750 тал көшеттері егілуі қажет болса, бүгінгі күнге 4 100 тал егілді.
«Таза Қазақстан» Республикалық экологиялық акциясы шеңберінде санитарлық тазалыққа бағытталған сенбілік жұмыстары жыл көлемінде ұйымдастырылатын болады.
Сондықтан, баршаңызды бірігіп, еліміздің тазалығын сақтауға шақырамын.