26 маусым – Халықаралық нашақорлыққа қарсы күрес күніне арналған айлық аясында Қызылорда облысы Полиция департаментінің Есірткі қылмысына қарсы іс-қимыл басқармасының қызметкерлері Қазақстан Республикасы Ішкі істер министрлігі Қылмыстық-атқару жүйесі комитетінің №60 және №68 мекемелерінің қызметкерлерімен бірлесіп ақпараттық-түсіндіру жұмыстарын жүргізді.

Іс-шара барысында есірткі құралдары мен психотроптық заттардың заңсыз айналымына қатысты заңнама талаптары мен құқықтық жауапкершілік мәселелері түсіндірілді. Сонымен қатар, есірткінің адам денсаулығына, қоғам мен отбасыға тигізетін зияны, құқық бұзушылықтың алдын алу және салауатты өмір салтын қалыптастырудың маңыздылығы жөнінде жан-жақты ақпарат берілді.

Мұндай профилактикалық іс-шаралардың негізгі мақсаты – есірткі қылмыстарының алдын алу, құқықтық сауаттылықты арттыру және қоғамда есірткіге қарсы берік ұстаным қалыптастыру.

Есірткіге – жол жоқ! Салауатты өмір – саналы таңдаудың кепілі!