Сырдарияда автомобиль жолдары бағытында 4 жоба бойынша 740,2 млн теңгеге 15,1 шақырым жол жөнделуде.

– Бұл қатарда Тереңөзек кенті мен Шаған, Нағи Ілиясов елді мекендерінде барлығы 13 көше күрделі жөндеуден өткізілуде және Шаған ауылындағы 8 көшеге қиыршық тас төселуде. Осы жұмыстардың нәтижесінде, аудандық маңыздағы жолдардың жақсы және қанағаттанарлық жағдайдағы үлесі 99 пайызға, елді мекендердегі ішкі жолдардың үлесі 87 пайызға жетті, – деді аудан әкімі Берік Сәрменбаев.

Құны 186,5 млн теңгеге Нағи Ілиясов ауылында жаңа қоныстану аймағына инженерлік-инфрақұрылымдық жұмыстары жыл соңына дейін толық аяқталатын болады. Бүгінгі күні 2027 жылға 7 жоба бойынша 2,8 млрд теңгеге бюджеттік өтінім ұсынылды.

– Биыл облыстық маңызы бар «Қызылорда-Жалағаш» автомобиль жолының Тереңөзек кенті тұсындағы көпірді күрделі жөндеуге облыстық бюджеттен 669,5 млн теңге бөлініп, жұмыстар жүргізілуде. Көпір жуық арада пайдалануға беріледі. Қазіргі таңда аймақ басшысының қолдауымен Тереңөзек кентіндегі заманауи талаптарға сай келетін темір жол вокзалының ғимараты жаңадан салынуда. Құрылыс жұмыстары жыл соңына дейін аяқталып, пайдалануға берілетін болады, – деді Берік Әбдіғаппарұлы.