Сырдария ауданының орталығы – Тереңөзек кентінде биылға кредит есебінен осал топтарға 100 пәтерлі 50 тұрғын үй сатып алуға 1,5 млрд теңге бөлінді. Бұл туралы өңірлік коммуникациялар қызметіндегі брифингте Сырдария ауданының әкімі Берік Сәрменбаев айтты.

– Ауданда 6 айдың қорытындысымен 10,5 мың шаршы метрді құрайтын тұрғын үй салынып, көрсеткіш 3 пайызға, құрылыс жұмыстарының көлемі 15,1 млрд. теңгені құрап, 11,9 пайызға артығымен орындалды (2025 жылы – 12,5 млрд. теңге). Жылдың соңына дейін бекітілген эскизге, техникалық сипаттамаларға сәйкес тұрғын үйлер сатып алынып, кезектілік бойынша тұрғындарға табысталатын болады, – деді аудан әкімі.