Суды аз қажет ететін дақылдарды егуді қолға алған Сырдария ауданында биыл 738 гектарға жүгері егілді. Егетіндейі бар, өйткені, ауданда салынып жатқан жүгері өңдеу зауыты қазан айынан бастап шикізат қабылдай бастайды.

– Су тапшылығына байланысты суды аз қажет ететін дақыл егу және ауыл шаруашылығы саласын әртараптандыру бағытында құны 40 млрд теңгеге «Қызылорда крахмал-сірне зауыты» серіктестігінің «Жүгері дақылын терең өңдеу зауытының» құрылысы жүргізілуде. Биыл бірінші кезеңде өнім жинау қоймасы мен кептіру қондырғысы орнатылып, қазан айынан бастап жүгері дақылын қабылдай бастайды. Өнім қабылдау қуаттылығы – 20 мың тонна. Өндірістік нысан толық аяқталғанда 500 адам жұмыспен қамтылады, – деді Сырдария ауданының әкімі Берік Сәрменбаев.