Сырдарияда жыл басынан бері негізгі капиталға 42,5 млрд теңге инвестиция тартылып, өсім 3 пайызды құраса, бөлшек сауда көлемі 1,7 млрд. теңге болып, 100,5 пайызға орындалды.

– Ауданда 2354 шағын және орта кәсіпкерлік субъектісі тіркелді. Оның ішінде, жұмыс істеп тұрған кәсіпкерлік субъектілерінің саны 2314-ке жетіп, тіркелгендердің үлесі 98,3 пайызды құрады. Жыл басынан бері мемлекеттік және өңірлік бағдарламалар аясында құны 1,7 млрд. теңгені құрайтын 70 жобаға қаржылай қолдау көрсетілді, – деді аудан әкімі Берік Сәрменбаев.

Айта кетейік, «Қызылорда» өңірлік инвестициялық орталығы арқылы құны 13,5 млн теңге тұратын Қалжан ахун ауылындағы «Құм блогын өндіру» жобасы қаржыландырылса, «Ауыл аманаты» жобасы арқылы 367,4 млн теңгенің 48 жобасы қолдау тапты.

Қаржыландырылған жобалардың ішінде мал шаруашылығына байланысты 19 жоба бар. Мұнан бөлек, 9 жоба аясында 87 млн теңгеге арнайы техника сатып алған. Өңдеу саласында 12 жоба болса, балық шаруашылығын қолға алған бір жоба 10,8 млн теңгеге қол жеткізді, – деді аудан әкімі.

Сонымен қатар, «Аграрлық несие корпорациясы» арқылы 947,7 млн теңгенің 11 жобасы қолдау тапты.