Сырдарияда газбен қамтылу деңгейі артып келеді. Өткен жылы газдандыру жобаларын жүзеге асыруға 4 млрд теңге қаржы бөлініп, Нағи Ілиясов, Шаған ауылдары табиғи газға қосылды.

Биыл газдандыру жұмыстарына республикалық және облыстық бюджеттен 5,1 млрд теңге бөлінуде.

– Құны 1,8 млрд. теңгені құрайтын Ақжарма елді мекенін газдандыру жұмыстары 100 пайыз атқарылып, қабылдау жұмыстары жүргізілуде. Жақын күндері ауыл халқы табиғи газдың игілігін көретін болады. Оған қоса, жалпы құны 2,4 млрд теңгені құрайтын Шіркейлі (1.3 млрд. тг) мен Қоғалыкөл (1.1 млрд. тг) ауылын газдандыру жұмыстарын бастауға 720 млн теңге бөлінді. Сондай-ақ, Бесарық елді мекенін газдандыруға 972.4 млн. теңге бөлініп, жұмыстар жуық арада басталады, – деді Берік Әбдіғаппарұлы.

Осы жұмыстардың нәтижесімен ауданды газбен қамту көрсеткіші 80 пайыздан асатын болады.