Қоғамның дамуы тек қабылданған шешімдермен емес, сол шешімдердің қабылдануына азаматтардың қаншалықты қатысатынымен де өлшенеді. Белсенді азаматтық ұстаным – өркениетті қоғамның басты белгілерінің бірі. Сондықтан 23 тамызда өтетін Құрылтай сайлауы – әр тұрғынның ел өміріне өз үлесін қосуына берілген маңызды мүмкіндік.

Құрылтай – қоғамдағы өзекті мәселелердің ашық талқылануына жол ашатын қоғамдық институт. Мұнда халықтың ұсыныстары сараланып, өңірлердің дамуына қатысты бастамалар талқыланады. Сондықтан Құрылтай құрамына қоғамдық мүддені жоғары қоятын, жауапкершілігі мол азаматтардың сайлануы маңызды.

Сайлауға қатысу – болашаққа бейжай қарамаудың белгісі. Бұл – өз ұстанымыңды білдірудің, ортақ іске атсалысудың және қоғам алдындағы жауапкершілігіңді көрсетудің заңмен бекітілген мүмкіндігі. Әрбір азаматтың таңдауы қоғамдағы оң өзгерістерге негіз болады.

Қазіргі уақытта елдің тұрақты дамуы азаматтардың ауызбіршілігі мен белсенділігіне тікелей байланысты. Сондықтан әрбір тұрғынның сайлауға қатысуы – елдің ертеңіне деген сенімнің, қоғамдық келісім мен бірлікті нығайтуға деген ұмтылыстың көрінісі.

23 тамыз күні өтетін Құрылтай сайлауына қатысу – әр азаматтың маңызды таңдауы. Болашаққа бей-жай қарамайтын барша тұрғынды дауыс беруге және азаматтық белсенділік танытуға шақырамыз.