«Таза Қазақстан» ұлттық жобасы аясында кәсіпкерлік нысандарды тазалық пен абаттандыру талаптарын сақтауға шақыру бағытындағы жұмыстар жалғасуда.

Түсіндіру жұмыстары барысында кәсіпкерлерге нысан аумағын және оған іргелес аумақтарды таза ұстаудың маңыздылығы түсіндіріліп, санитарлық тазалық пен абаттандыру талаптарын сақтау бойынша ұсыныстар берілді.

«Әрине, әрбір кәсіпкер өзінің айналасын таза ұстап, келген кісілерге де соны үндесе, жұртшылықта тіпті көзқарас та қалыптасары анық. «Таза Қазақстан» — тек қаланың ғана емес, сананың да тазалығы. Сана тазарып, айналаға қоқыс тастау мәдениеті қалыптаспайынша, қала да тазармайды. Біздің осы әрекетіміз теңізге тамған тамшыдай болуы мүмкін. Бірақ, сол әрекет үшін қуанамыз. Сол әрекеттен нәтиже шыққаны үшін қуаныштымыз», – дейді ұйымдастырушылар.

Таза әрі көрікті қала – баршамызға ортақ жауапкершілік. Әр кәсіпкер өз нысанының тазалығына жауапкершілікпен қарап, қоршаған ортаны таза ұстауға үлес қосуы маңызды.

Расында қала тазарып, айналаның сәні де, әрі де кіріп қалды. Мұндай дағды қала халқының бойында әркез болса, Қызылорда тазалық жөнінен бірінші орынға табан тірейтіні анық.

«Таза Қазақстан» – тазалықтан басталатын ортақ мәдениет!