Сайлау күні мүмкіндігі шектеулі азаматтардың өз таңдауын жасауына қолайлы жағдай жасауға ерекше көңіл бөлінді.

Сайлау учаскелеріне азаматтарды жеткізу үшін Жосалы кентінде 3, Байқоңыр қаласында 4 инватакси көлігі жұмылдырылды. Арнайы көліктердің көмегімен мүмкіндігі шектеулі азаматтар сайлау учаскелеріне жеткізілді.

Инватакси қызметі азаматтардың үйлерінен сайлау учаскесіне қауіпсіз әрі ыңғайлы жетуіне мүмкіндік берді. Бұл ретте арнайы көліктердің жүргізушілері мен қызметкерлері тұрғындарға жол бойы қажетті қолдау көрсетті.

Мүмкіндігі шектеулі азаматтардың сайлау процесіне еркін қатысуына жағдай жасау – қоғамдағы тең мүмкіндіктер қағидатының маңызды көрінісі.

Әр адамның пікірі мен таңдауы маңызды. Сондықтан сайлауға қатысуға мүмкіндік беретін осындай қолдау шараларының маңызы зор.

Әр азаматтың таңдауы – маңызды. Әр дауыс – ортақ болашаққа қосылған үлес.