Ізгі іске жұмылған жастардың ұйымдастыруымен Қызылорда қаласында «Таза Қазақстан» экологиялық акциясы аясында ерекше сайыс өтті.

Жастар арасында экологиялық мәдениетті қалыптастыру, қоршаған орта тазалығына жауапкершілікті арттыру және туған қалаға деген жанашырлықты нақты істер арқылы көрсету мақсатында ұйымдастырылған сайысқа жастар ерекше ынтамен атсалысты.

Сайыс қалаға қарасты саяжай жолы аумағында өтіп, оған 11 командадан құралған 110 жас қатысты. Бәсекелестер бір сағат ішінде белгіленген аумақты қоқыстан тазартып, нәтижесінде жалпы көлемі 3 тоннаға жуық қоқыс жинады.

Сайыс қорытындысы бойынша үздік нәтиже көрсеткен эко-топтар арнайы марапаттармен, қаржылай сыйлықтар табысталды. Мұндай бастамалар жастардың қоғамдық белсенділігін арттырып қана қоймай, экологиялық құндылықтарды насихаттауға да зор үлес қосады.

Таза қала – әрқайсымыздың ортақ жауапкершілігіміз. Қоршаған ортаны қорғау мен табиғатты аялау ісіне барша тұрғынның үлес қосуы маңызды.