Қызылорда қаласында Қармақшы ауданының ауыл шаруашылығы өнімдерінің жәрмеңкесі қызу жүріп жатыр.
Жәрмеңкеге келушілердің қарасы қалың. Тұрғындар сапалы әрі қолжетімді бағадағы ауыл шаруашылығы өнімдерін сатып алуда. Сонымен қатар жәрмеңке аясында келушілерге көтеріңкі көңіл-күй сыйлайтын мерекелік бағдарламалар да ұсынылған.
— Қармақшы ауданы біздің үйдің маңына орналасып, тұрғындарға жақсы болды. Таза, табиғи, сапалы өнімге тиімді бағада қол жеткіздік. Аудан халқына алғыс мол. Бізге дайын өнім келгенге дейінгі аралықтағы еңбектері зор , — дейді қала тұрғыны Фатима Әбләзиева.
Барлық өнім нарық бағасынан 10–15 пайызға төмен бағамен сатылуда.
