Есірткісіз болашақ: қоғам үні

Біз үшін болашақ деген не? Болашақ – күнтізбедегі ертеңгі күн емес. Ол бүгін баланың жүрегінде оянған үміттен, өзіне сенім артқан адамдардың қолдауынан басталады. Біз бүгін әр жастың өмірге деген құштарлығын сақтай алсақ, ертеңіміз де жарқын болмақ.

Ұлттың ертеңі – бүгінгі жастардың, яғни біздің қолымызда. Біздің саналы таңдауымыз ұлттың болашағын айқындайды. Сондықтан әр жастың есірткісіз өмірді таңдауы – өз тағдырына ғана емес, елінің келешегіне де жауапкершілікпен қарауы деп білемін.

Қазіргі кезде есірткінің таралуы қоғамды қатты алаңдатып отырған өзекті мәселеге айналды. Есірткіге тәуелділік бір адамның не бір отбасының ғана қайғысы емес. Ол тұтас қоғамның ертеңіне қауіп төндіреді. Әсіресе синтетикалық есірткінің таралуы және оның жастарға қолжетімді болуы алаңдатады.

Есірткіге тәуелділік адамның денсаулығына, отбасына және қоғамдағы өміріне ауыр зиян келтіреді. Бұл мәселенің алдын алу үшін әрқайсымыз жас ұрпаққа көңіл бөліп, олардың қауіпсіз ортада өсуіне көмектесуіміз керек. Есірткісіз болашақ бір күнде қалыптаспайды. Ол күнделікті дұрыс таңдау мен өзара қолдаудан басталады. Бүгінгі күні есірткіге тәуелділік жасөспірімдер арасында белең алып отыр. Бұндай уақытта олар басына туған қиындықтарын ешкім түсінбейді деп ойлауы мүмкін. Осындай сәтте ата-анасының жылы сөзі, мұғалімнің назары және досының шынайы қолдауы маңызды. Білім ордасы мен қоғам да бұл іске белсенді қатыса алады. Спорттық жарыстар, шығармашылық үйірмелер, еріктілік жобалары жастардың қабілетін ашып, бос уақытын пайдалы өткізуіне мүмкіндік береді.

Есірткісіз болашақ бұл –  біздің  таңдауымыз!

Давлет Дильназ Досболқызы

Текей батыр Қарпықұлы атындағы жоғары колледжінің 3 курс студенті

Жетекшісі: Спанова Аякөз Тұрсынханқызы

spot_img

ҰҚСАС ЖАЗБАЛАР

Ұқсас жазбалар