Мемлекеттік кірістер комитеті балалардың мобильді аударымдарын өз бақылауына алады. Ведомство осылайша ресми тіркелмеген кәсіпкерлерді анықтайды. Бұл туралы Stan.kz ақпарат агенттігі хабарлады.
Қазір жеткіншектердің жеке шоттары арқылы төлем қабылдап, жұмыс істеп отырғандар көп. Сол себепті балалардың шоттары толық тексеріледі. Алайда балалардың шоттарын тексеруді ата-аналардың бірі қолдаса, енді бірі қарсы.
Айта кетейік, елімізде 6 жастан асқан балалар ата-анасының немесе қамқоршысының келісімімен шот аша алады. Дегенмен шектеулер де бар. Мысалы, жасөспірімнің төлем картасына ақша айналымы айына 100 000 теңгеден аспайтын лимит беріледі. Балалар ата-анасы мен қамқоршысына күніне 1 миллион теңгеге дейін қаржы аудара алады.
Фото: freepik.com