Жетісу облысы әкімінің өкімімен Ұлан Ғалымұлы Рысқұл Жетісу облысының дене шынықтыру және спорт басқармасының басшысы болып тағайындалды. 

Ұлын Рысқұл – дзюдодан Қазақстанның 3 дүркін чемпионы, Азияның екі дүркін чемпионы, Әлем кубогының күміс жүлдегері. «Қазақстан Барысы» турнирінің тұңғыш жеңімпазы. Қазақ күресінен ҚР спорт шебері.

Ол бұған дейін Астана қаласында ҚР Мәдениет, ақпарат және спорт министрлігі Спорт істері комитетінің «Ұлттық штаттық командалар және спорт резерві дирекциясы» РМҚК дзюдодан (ерлер) ҚР ұлттық штаттық командасының нұсқаушы-спортшысы, Спорт және дене шынықтыру агенттігінің дзюдодан (ерлер) ҚР ұлттық штаттық командасының нұсқаушы-спортшысы, «Bagueri Asia» ЖШС менеджері, «Халықаралық «Qazaq kuresi» федерациясы» қауымдастық нысанындағы заңды тұлғалар бірлестігінің бас хатшысының кеңесшісі, бас хатшысы лауазымдарын атқарды.

Әйтсе де, Қазақстанда спортшылардың билікке баруы әдетке айналып барады. Осыдан біраз бұрын боксшы Бақтияр Артаев Қызылорда облысының спорт саласын басқаруға кірісіп кеткен еді…