Қарағанды облысында Большая Михайловка станциясында пойыз екі жасар баланы басып кетті. Бұл туралы Stan.kz ақпарат агенттігі хабарлайды.
Оқиға 1 маусым Қарағанды-Ақадыр учаскесінде болған. ҚТЖ-ның хабарлауынша, жүк пойызының машинисі баланы рельс үстінде көргеннен кейін шұғыл тежеуді басқан.
Бала аман қалды, қазір жансақтау бөлімінде жатыр.
Жергілікті тұрғындар теміржол бойына қорғаныс торларын орнатуды талап еткен видеоны жариялады. Олардың айтуынша, бұл бөлімде балаларды үнемі қадағалап отыру мүмкін емес.
Денсаулық сақтау басқармасының мәліметінше, бала ауыр халде облыстық балалар ауруханасына жеткізілген. Полицейлер жол қозғалысы немесе теміржол көлігін пайдалану қауіпсіздігі ережелерін бұзғаны үшін қылмыстық іс қозғады:
«Аталмыш іс бойынша қажетті тергеу әрекеттері жүргізіліп жатыр.Қылмыстық-процестік кодекстің 201-бабына сәйкес өзге де мәліметтер жария етілмейді», – деп мәлімдеді полиция департаменті.
Еске салсақ, дәл осы 1 маусым күні Ресейдің Брянск облысында үстінде жүк көлігі келе жатқан көпір опырылып құлап астында өтіп бара жатқан пойыз вагонына түскен еді. Жеті адам қаза тауып, 30-дан аса адам зардап шекті. Бұл бір күнде болып отырған екінші апат.
Фото: Pixabay.com