4 маусым – Мемлекеттік рәміздер күні– халқымыздың біртұтастығын, егемен ел ретіндегі мәртебесін айқындайтын ерекше маңызға ие мемлекеттік мереке.
1992 жылғы 4 маусымда Ту, Елтаңба және Әнұран – Тәуелсіз Қазақстанның басты рәміздері ретінде бекітілді. Бұл күннің мәні – өскелең ұрпақтың бойында патриотизмді, елге деген сүйіспеншілікті, рәміздерге деген құрметті қалыптастыру.
Жалпы, мерекелік іс-шаралар мемлекеттіліктің және оның егеменділігінің тарихына құрметпен қарауға, жас ұрпақтың жасампаз бастамасын жандандыруға, азаматтардың болашаққа деген сенімін нығайтуға ықпал етумақсатында,Ұлттық ұланның 5547 әскери бөлімінде арнайы аталып өтті.
Бөлім командирінің тәрбие және әлеуметтік-құқықтық жұмыстар жөніндегі орынбасары подполковник Караманов Берік Азаматұлы жеке құрамды Рәміздер күнімен құттықтап Ту, Елтаңба және Әнұранға ерекше тоқталып өтті.

Туым бар көкте желбіреген,
Әрдайым елдігімді мәлімдеген.
Көк байрағым — көк аспандай,
Бейбіт күнге жол сілтеген.

Елтаңбам – айбары елдігімнің,
Шаңырақ — белгісі бірлігімнің.
Қос пырақ – арманы мен мұраты,
Нышаны боп тұр теңдігімнің.

Әнұраннан басталады әр күнім,
Шырқау оны жүрек сөзін білдіру.
Сол әуенмен оянады елдігім,
Сол үнменен биік шыңға өрледім.

Жақсылық Берікұлы,
5547әскери бөлімінің лейтенанты