Республикалық ақпараттық-түсіндіру тобының мүшесі, Сарыағаш медресе колледжі директоры, «Әбішұлы Сатыбалды» мешітінің бас имамы Дінмұхаммед Сманов Сырдағы сапарында бірнеше ауданды аралады. Өңірдегі ақпараттық-түсіндіру тобының мүшелерімен кездесіп, өзінің тәжірибесімен бөлісті.

– Басқа өңірлерде де болдым. Қызылорда қаласында диструктивтік діни ағым өкілдері саусақпен санарлық. Ал аудандарда мүлдем жоқ. Бұл – қуантарлық нәтиже. Мен бірде-бір адамның қамалғанын қаламаймын, ал елдің арасына іріткі салынуын одан да қатты қаламаймын, – деді Д.Сманов Қызылорда қаласындағы АТТ мүшелерімен кездесуде.

Дінмұхаммед Сманов жиналған мамандарға сотталғандармен, дистркутивтік діни ағым мүшелерімен жұмыс істеуде қандай нәрселерге басымдық беру керегін жеткізді. Әсіресе, діни білімнің мол болуы қажетін қадап айтты.

Дәулет ҚЫРДАН