Бүгін «AMANAT» партиясының «Сәулет» бастауыш партия ұйымына қарасты «Ә.Тәжібаев атындағы облыстық әмбебап ғылыми кітапханасында» облыстық мәслихаттағы фракция мүшелері Бақдәулет Мақашев, Нұркен Бақытбекұлы және Гүлшат Мұсаева партия мүшелерімен кездесіп, атқарылған жұмыстар туралы ақпарат берді.

Алдымен аймақтың өнеркәсіп және ауылшаруашылық саласындағы жаңалықтарына тоқталған Бақдәулет Мақашев Сырдария өзенінің өзектілігіне, шаруаларға беретін мол пайдасы мен өңір экономикасының әлауқатын жақсартудағы маңыздылығына тоқталды.

Одан кейін қаламыздағы құрылыс қарқынын тілге тиек еткен Нұркен Бақытбекұлы қалада қайта жаңғырудан өткен парк пен орталық алаңның, төрт жолақты Тәуелсіздік даңғылының жұмысына тоқталды.

Айта кету керек, қаланың Сол жағалауында 11 мың орынға арналған стадион. С.Бейбарыс даңғылы бойында «Қызылорда Арена», «Достық үйі» ғимараттары бой көтеруде. Бұдан бөлек, «Президент саябағы» қайта жаңғыру жұмыстарынан өтуде.

Басқосуда Гүлшат Мұсаева партияның қолға алаған маңызды жобаларының іске асуына тоқталды.

Бұдан бөлек, Мемлекет басшысының бастамасымен жүзеге асқан «Таза Қазақстан», партия бастамасымен жүзеге асқан «Таза бейсенбі» экологиялық акциясының өзектілігіне тоқталды.

Кездесуде бастауыш ұйым мүшелері түрлі мәселелер бойынша сауалдарын жолдап, пікір алмасты.