Әзірге пилотсыз такси шақыру құзіреті Сан-Франциско мен Остиндегі (Техас штаты) Tesla қызметкерлерінде ғана болады. Осыған дейін Илон Маск Robotaxi такси қызметін 2025 жылдың жазында іске қосуға уәде берген еді.
Осы күні Tesla автономды таксиді сынақтап өткізуде. Robotaxi-ге тапсырыс беру үшін қызметкерлер арнайы қолданбаны пайдаланады. Көлік келген уақытта телефонға арнайы хабарлама келеді. Әзірге қауіпсіздікті қамтамасыз ету мақсатында көлікте жүргізуші болады, бірақ көлік өзі қозғалып, жолаушыны өзі жеткізетін мүмкіндікке ие.
Көліктің артқы орындығында жолаушыға арналған қосымша экран бар. Жолаушы одан есімі мен бару керек мекенжайды растап, сапар қашан аяқталатынын біледі.
Еске салайық, Илон Маск роботаксиді 2025 жылдың жаз айларында қосуға уәде берген еді. Миллиардердің сөзінше, жүргізушісіз таксилер келесі жылдың соңына дейін өз жемісін беріп, компанияның қаржылық жағдайын жақсарта түсуі қажет.
Ерсұлтан БАҒДАТҰЛЫ