Ақыл — арман, ой — өріс.

Ақыл базарда сатылмайды.

Ақыл — алтын сандық, адамына қарай ашылар.

Ақыл — гауһар бағасыз, ақымақ — ауру дауасыз.

Ақылды елден сұра, дақылды жерден сұра.

Естіге ел тоқтайды, есерге жын тоқтайды.

Арттағыны қозғау — ағалық, алдағыны болжау — даналық.

Көп ойласаң — дана боласың, көп ойнасаң — бала боласың.

Ақыл бастан, асыл тастан.

Жаманға айтқан ақылың — далаға атқан оқпен тең.

Ақыл айнымас, алтын шірімес.

Айғайлы жерде ақыл аз.

Ақыл азбайды, әділдік тозбайды, арамдық озбайды.

Орман тамырдан, ақыл сабырдан қуат алады.

Ақыл — адамның сәні.