Қалалық сәулет және қала құрылысы бөлімінің мамандары Қазақстан Республикасының заңнамасына сәйкес, заңсыз орнатылған жарнама объектілерінің алдын алу және жою бойынша бақылау жұмысын жалғастыруда. Айта кету керек, кәсіпкерлер сыртқы жарнаманы, ғимараттың қасбетіндегі баннерді талаптарға сәйкес келмейтін жарнамалық-ақпараттық объектіні орналастыруға жол беріп келген. Соған сай шаһардың көркін бұзып тұрған, ескірген постерлер алынып тасталынды.
Рейд барысында қаланың шағын және орта бизнес субъектілеріне заңсыз жарнама орналастыруға, ғимараттардың қасбеттері мен құрылымдық элементтерін өз бетінше түрлендіруге тыйым салынатыны айтылып, жарнаманы жасау, тарату, орналастыру және пайдаланудың талабы түсіндірілді.