Кәріз жүйесінің шаруашылық-тұрмыстық және сарқынды су, сұйық өнімдерді шығаруға арналған су бұру жүйесінің бір бөлігі ретінде қызметі өте маңызды. 

Сондықтан оны жетілдіру мен жаңғырту жұмыстары жыл бойы жүргізіліп келеді.

Бүгінгі таңда қала аумағында 457 шақырым кәріз желісі, 67 насос станциясы және 2 кәріз суларын тазарту кешені жұмыс істейді. Осы орталық кәріз жүйесіне тұрғын үйлердің 60 пайызы қосылған. Әлі де қосылатын халық үлесін 82 пайызға жеткізуге болады. Сол мақсатпен кәріз жүйелерін жаңарту бағытында ауқымды жұмыстар атқарылуда.

Айта кету керек, аймақ басшысының тікелей қолдауымен 2023 жылы 11 насос станциясы жаңартылып, 8,3 шақырым тозған кәріз құбырлары ауыстырылса, алдағы уақытта 158 шақырым жаңа желі салынып, 10 КНС қайта жаңғыртылады деп күтілуде.

Сонымен қатар, Қызылжармадағы кәріз суларын тазарту станциясын жаңғырту, Тасбөгеттегі жағымсыз иіс мәселесін шешу және магистралдық коллекторларды қайта құру жобалары қолға алынып отыр.