Қазіргі уақытта заманауи әрі еуропалық үлгіде жасалынған қоршауларға сұраныс жоғары. Жергілікті тұрғындар да аулаларын еуро қоршаумен сәндеуге бейім.

Тереңөзек кентінің тұрғыны Шакизат Байділдаев жаңа кәсіп түрін игеріп, өз бизнесін дамытып келеді.

Бүгінде жас кәсіпкер төрт адамды жұмыспен қамтып отыр. Ол көршілес Жалағаш ауданы мен жергілікті халықтың сұранысын қанағаттандырып үлгерген. Қажетті шикізатты Ақтөбе және Шымкент қалаларынан жеткізеді. Ал химиялық қоспалардың көмегімен бетон қоршаудың бірнеше түрін дайындайды. Сапалы әрі 20 жылға дейін жарамды қоршауларды дайындау барысында бірнеше арнайы аппарат қолданылады.

“Технология дамыған сайын қоғам өмірінде жаңа өзгерістер орын алып отырады. Бұрын аулаларға әртүрлі қоршаулар қойыла бастаса, қазір тұрғындар сәнді әрі сапалы еуро қоршауларға бет бұрды. Біз де осы бағытта кәсіп ашып, жұмысымызды жолға қойдық” – дейді жас кәсіпкер.