Қызылорда облысы көлемінде көшелер мен қоғамдық орындарда тиісті тәртіпті сақтау мен қылмыстың алдын алу мақсатында «Құқықтық тәртіп» жедел-профилактикалық іс-шарасы өтуде. 

Іс-шараның 2 күнінде облыс көлемінде 370 әкімшілік құқық бұзушылық анықталып, оның ішінде қоғамдық орындарда спирт ішімдігін ішудің 43 дерегі, ұсақ бұзақылықтың – 10, масаң күйде автокөлік басқарудың – 6 дерегі, түнгі тыныштықты бұзудың 17 дерегі анықталып, рейд барысында кәмелет жасына толмағандарға қатысты 67 әкімшілік құқық бұзушылық анықталды.

Кәмелетке толмаған адамды тәрбиелеу, оның құқықтары мен мүдделерін қорғау жөніндегі міндеттерді орындамаған 12 ата-анаға әкімшілік шара көрілді.

Тәртіп сақшылары іс-шараның нәтижесімен есірткі затын тасымалдау және сақтаудың 4 дерегін анықтады. Сондай-ақ, 132 автокөлік айып тұрағына қойылып, 52 автокөліктің мемлекеттік белгілері алынды.