Құрметті жас ұрпақ!
Өмір — адамға бір-ақ рет берілетін баға жетпес қазына. Сол қазынаны қадірлей білейік. Есірткі — адамды үмітсіздік пен қайғыға итермелейтін, болашақты қараңғылыққа айналдыратын у. Ол тек тәнді ғана емес, жанды да жаралайды, арман мен мақсатты жояды.
Бүгінгі жастар — ертеңгі елдің тірегі. Сондықтан әрбір жас өз тағдырына жауапкершілікпен қарап, өмір жолында дұрыс таңдау жасауы қажет. Салауатты өмір салты — мықты денсаулықтың, биік жетістіктің, жарқын болашақтың кепілі.
Таза ой, адал еңбек, ізгі ниет – адамды алға жетелейді. Бір сәттік қызық үшін өз болашағыңды құрбан етпе. Есірткіге әуестену – өмірден безу, ал өмірден безу – ата-ана, ел алдындағы борыштан безу.
Біздің мақсат – жастардың санасына өмірдің шынайы құндылығын ұялату. Өмірдің ең үлкен байлығы – деннің саулығы мен рухтың тазалығы.

Өмірге – «ИӘ!», есірткіге – «ЖОҚ!» деп бәріміз бірге айтайық!
Есірткісіз өмір – бақытты өмірдің кілті!

Ізгі ниетпен:
Нұрай Қабылбек,
М.Мәметова атындағы Қызылорда жоғары
педагогикалық колледжінің 2-курс студенті
Қызылорда қаласы.