Құрметті достар, жас ұрпақ өкілдері!
Бүгін біз өз дауысымызды көтеріп, ел жастарын салауатты өмірге шақырамыз! Өмір — адамға берілген ең қымбат сый. Ал оны улауға, босқа рәсуа етуге ешкімнің құқы жоқ.
Нашақорлық — адамды әлсірететін, отбасын күйрететін, қоғамды жойқын дертке душар ететін кесел.
Біз ондай өмірге қарсымыз! Біз — дені сау, жігерлі, мақсатшыл жастармыз!
Салауатты өмір салты — бұл спорт, рухани тазалық, сергектік пен арманға жету жолы. Біз өз болашағымызды таза, нұрлы өмірмен байланыстырамыз. Ендеше, бәріміз бірігіп айтайық:
Нашақорлыққа – жоқ!
Салауатты өмірге – иә!
Болашағымыз — біздің таңдауымызда!
Ақбота ЕРХАН,
№148 орта мектептің оқушысы.
Шиелі ауданы