Есірткі – у, ол өмірді өшіреді,
Жүрек отын,үміт нұрын сөндіреді.
Бір сәттік ләззат алдамшы елес қана,
Болашағыңды қара түнге көмеді.

Мен өмірді қалаймын, жарық күнді,
Аспандағы бұлттарды, алып түнді.
Таза ауа, күлкі, үміт, арман, бақ –
Сол мен үшін ең қымбат, ең асыл шақ.

Есірткі – елес, өтпелі жалған шат,
Өртейді үміт, күл қылады арманды-ақ.
Бақыт емес, алдамшы бір тұман ол,
Құлатады биіктен ол бір-ақ сәт.

Жас жүректе сөнбесін үміт,жансын от,
Жаңа күннің шуағы төгілсін нұр боп.
Қара түнге жолама, жарық таңда,
Саған сенім артады ел болып жұрт!

Мен өмірді қалаймын! – бұл ұраным,
Өмірдің мәнін сеземін әр таңым.
Жарқын күлкі, таза ой, биік арман –
Сол менің бақытым, ар-ұжданым!

Нұрдана ҚАНИЯРОВА, 
№50 Абай атындағы орта мектебінің
11 «Ә» сынып оқушысы.
Шиелі ауданы