Қымбатты жас достар!
Есірткі – адам өміріне, денсаулығына және болашағына үлкен қауіп төндіретін жау. Ол адамның еркіндігін тартып алып, арманы мен қуанышын жояды. Сондықтан әрқайсымыз өз өмірімізге жауапкершілікпен қарап, есірткіге жоқ! деп айта білейік.
Біздің қолымызда — жарқын болашақ, таза ой, мықты денсаулық және үлкен арман бар. Осы құндылықтарды сақтап қалудың ең дұрыс жолы — салауатты өмір салтын ұстану. Спортпен шұғылданып, пайдалы іспен айналысайық, өзімізге және өзгеге үлгі болайық!
Есірткісіз өмір – бұл таза сана, мықты денсаулық және жарқын болашақ. Деніміз сау болса, біз өз арманымызға жетеміз, отбасымызды қуантамыз, еліміздің дамуына үлес қосамыз. Біздің өміріміз тек бір рет беріледі, сондықтан оны улауға болмайды.
Есірткісіз өмір — бақытты өмір!
Кел, бәріміз бірге есірткіге қарсы тұрып, жарқын болашағымызды бірге қорғайық!
Қызжібек АЛМАСҚЫЗЫ,
№244 Ы.Жақаев атындағы орта мектептің
7 «Г» сынып оқушысы.
Шиелі ауданы