Өмір бір-ақ рет беріледі. Сол өмірді жайлы, сапалы, таза өткізу – біздің, адам баласының парызы. Есірткі – адамдардың санасын улап, оның болашағын жояды. Арман-мақсатын күл-талқан етеді. Тамырына балта шабады.

Бұл бізге керек пе?! Әрине, жоқ. Өйткені, есірткісіз өмір – ғажайып.

Ғаламат шағыңды арман қуып, биік мақсаттарға бағыттар баспалдаққа мінгің келсе, есірткісіз болашақты, жарық күнді таңда. Жарық күн – кемел келешекке бастайды.

Білім ал. Жақсы істер жаса. Жан тазалығы мен ар тазалығын ойда ұста. Бұл өмірді текке өткізбе.

Ал есірткімен байланысу – өз тамырыңа өзің балта шабу. Болашағыңды құрдымға жіберу. Санаға сілкініс жасар нәрсе – ата-ана тәрбиесі мен ұстаздардың тәлімі. Сенің жаныңа жақын болуға тиіс нәрсе – осы ғана.

Есірткіге жоқ де, салауатты өмірге иә де. Бұл – бүгінгі ұстаным.

Аяулым СЕРҒАЛИ,
№44 орта мектептің
9 А сынып оқушысы.
Сырдария ауданы