Шахназ Лепес
№176 орта мектебінің
6-сынып оқушысы.
Қызылорда қаласы

Есірткісіз өмір ғажайып!
Есірткісіз өмір – жарқын болашақтың кепілі! Бүгінгі таңда жастардың өмірі – елдің ертеңі. Сондықтан өз денсаулығыңды, өз арманыңды қорғау – өз қолыңда. Есірткіге әуестену – тек өмірді емес, болашағыңды да құртады. Ол бір сәттік қызық сыйлағанымен, мәңгілік өкінішке әкеледі.
Есірткі – адам өмірін құрдымға жетелейтін қауіпті жол. Оның әсері алғашқыда қызықты, жеңіл әрі уақытша жайлылық сыйлағанмен, түптің түбінде денсаулыққа, санаға және әлеуметтік өмірге орасан зор зиян келтіреді. Әрбір адам өз өмірінің қожайыны екенін ұмытпауы керек.
Есірткісіз өмір – бұл жарық күнге, жарқын болашаққа, үлкен армандарға жол! Бізге өз еліміздің дамуы, отбасы амандығы мен жеке жетістік керек болса, есірткіге жол жоқ! Бір-бірімізге үлгі болып, салауатты өмір салтын ұстанайық. Уақытты бос өткізу емес, пайдалы іске жұмсайық: спортпен айналысайық, өнермен шұғылданайық, білімге ұмтылайық! Мұның бәрі жанға да, тәнге де пайдалы. Бұл – ғажайып өмірдің кілті. Есірткісіз өмір – еркіндік, денсаулық, бақыт, табыс пен болашақ. Сондықтан да, жастарға үндеуім:
Есірткіге жол жоқ! Өмірді таңда! Арманыңды қорға!
Өйткені есірткісіз өмір – нағыз ғажайыптың өзі!