Жалағаш ауданының әкімі Ардақ Ибраимов «Харвест Агро» компаниясының өкілі Жәнібек Саянұлын қабылдап, инвестициялық жобаларды жүзеге асыру барысын талқылады.
«Харвест Агро» серіктестігі жүгері мен соя өсіру және оны қайта өңдеу арқылы агроиндустриялық кластер құруды жоспарлап отыр. Қазіргі таңда осы бағытта нақты жұмыстар жүргізілуде. Аталған жоба жүзеге асқан жағдайда 150 адамды тұрақты жұмыспен қамту көзделіп отыр.
Аудан әкімі жобаға қажетті сүйемелдеу шаралары жүргізілетінің жеткізді. Сонымен қатар, мұндай ірі жобалар ауыл тұрғындарын жұмыспен қамтуға, аудан экономикасының өсіміне оң әсер ететінін атап өтті.
Айта кетейік, 2025 жылдың 10 айының қорытындысымен ауданға 17 млрд 898 млн теңге инвестиция тартылды. Бұл өткен жылдың сәйкес кезеңімен салыстырғанда 108 пайызға артты.