Жаңа XXI ғасырда адамзат баласы бейбіт өмір сүріп жатады. Бұл  ғалам жаңа технологиялар дамыған, жаһандану дәуірі екен. Ғалам үздіксіз дамып, бақытты өмір сүріп жатқан шақта «Есірткі» атты зұлым патшалық пайда болыпты. Адамдарды қызылды-жасылды, көз тартарлық заттармен алдап, арбауына түсіріпті. Бірінен кейін бірі уланып, есінен адасып ауруханаға түсе бастайды. Уланғандардың қатарында Арман да бар еді. Досының мұндай ауыр халге түскені Мақсаттың жанына қатты батады. Қайтсем де досымды аман алып қаламын деп, барын салады. Есірткіні қолданғанда адам өзін қиял әлемінде жүргендей, бар ауыртпалықты ұмытқандай күй кешеді екен. Міне, осындай қасиетімен Арманды да баурап алған екен. Бірақ оның зиянды екенін, өмірінен айрылып қалатынын Мақсат қанша айтса да түсінбейді. Айтылған сөздің ешбіріне мән бермей, аз уақыттық бақытын ғана ойлапты.

Есірткінің көзін жою үшін Мақсат жаңа құрылғылардың көмегімен зерттеуге кіріседі. Көп ойланады, шешімін таба алмай қиналады. Осы кезде Мақсаттың шынайы дос екеніне риза болып аспан әлемінен «Құтқарушылар» түседі. Құтқарушылар мен Мақсат бірігіп «Шипа» атты дәрі ойлап табады. Оны қаруға салып Есірткі патшалығының сарайына атады. Есірткілер жойылады, алайда Есірткі патшасы әлі тірі еді. Оның көзін жоймай әлемді құтқару мүмкін емес. Мақсат пен Құтқарушылар дәрілі қаруды алып, сарайға білдірмей кіреді. Олар патшаның кеңсесін әрең дегенде табады. Екеуі екі жақтап бірден зұлым патшамен шайқасып кетеді. Есірткі патшасы да берілмейді, уын шашып жатыр. Бірақ адамдарда удан құтқаратын бетперде бар еді. Сол кезде екеуі патшаның көзін құртады. Сарай құлап есірткілердің көзін жояды. Осылайша Мақсат көздеген мақсатына сүрінбей жетіп, досымен қауышып, ары қарай адамзат баласы бейбіт өмірін жалғастырады. «Армандар орындалады, мақсатың айқын болса!».

Жас дос, есірткіден аулақ бол!

Альтаир Бақберген,
№149 Ә.Монтаев атындағы орта мектебінің оқушысы.
Нұрланова Нұржанат Ерсұлтанқызы, сынып жетекшісі.
Ыбырай Жақаев ауылы,
Шиелі ауданы