Есірткі – адамның өмірін бірден емес, біртіндеп үнсіз жоятын қауіпті жау. Бір сәттік қызығушылықтан басталып, өмір бойы қасіретке айналады. Ол адамның денесі мен жанын улайды. Алғашында қызығушылық болып көрінеді, кейін әдетке, соңында тәуелділікке айналады. Есірткіге тәуекелділіктің соңы қылмысқа алып барады. Есірткі адамды рухани да, физикалық тұрғыдан да әлсіретіп, бақыттан алыстататыны сөзсіз.

Біз – жастар, болашағымыз өз қолымызда. Есірткісіз бақытты өмірді ешкім біз үшін құрып бермейді, оны өзіміз таңдап, өзіміз қалыптастырамыз. Бақытты өмір – есірткісіз, таза өмірден басталады. Нағыз бақыт дені сау, саналы адамға бұйырады. Ата-ананың үмітін ақтау, жақындардың күлкісін көру – ешқандай жалған ләззатпен тең келмейтін байлық.

Мен есірткісіз өмірді қолдаймын. Сонымен қатар айналамды қоршаған достарымды да бақытты өмір сүруге, дені сау, салауатты өмір салтын ұстанатын көшбасшы болуға шақырамын. Себебі өмір – бір рет берілетін, қымбат сый. Оны жалған ләззатқа айырбастау – өз болашағыңа опасыздық жасау. Есірткіден бас тарту – өз өміріңді, денсаулығыңды және болашағыңды қорғау. Өз өміріңді бағала, бақытты өмірді бүгін таңда!

#есірткігеқарсы   #противнаркотиков

 Ербатырова Аружан Бимуханқызы,
М.Мәметова атындағы
Қызылорда педагогикалық жоғары колледжінің
1-курс студенті
Жетекшісі: Мансурова Меруерт Алмабекқызы