Есірткі — бір сәттік иллюзия, өмірлік трагедия. Есірткі — бұл жай ғана зиянды зат емес, ол адам тағдырын үнсіз жоятын қауіпті індет. Алғашында «қызық», «еркіндік» болып көрінген нәрсе, уақыт өте келе адамды өз еркінен, арманынан, тіпті болашағынан айырады. Есірткіге тәуелді адам тек өзін ғана емес, айналасындағы ата-анасын, бауырын, қоғамды да қасіретке батырады.Қазіргі таңда жастар — елдің ертеңі. Ал есірткі сол ертеңге төнген ең үлкен қауіптердің бірі. Ол білімге емес — надандыққа, еңбекке емес — жалқаулыққа, өмірге емес — өлімге жетелейді. Бір ғана қате қадам жылдар бойы өкінішке айналуы мүмкін.Нағыз күш — есірткіден бас тарту. Нағыз еркіндік — таза сана мен айқын мақсатта. Біз есірткіні емес, өмірді таңдауымыз керек. Өйткені өмір — бір-ақ рет беріледі, ал оны қорғау — әрқайсымыздың міндетіміз. Есірткі — тек уақытша иллюзия, ал өкініш мәңгілік. Бізге берілген — өмірді, арманымызды, болашағымызды таңдауға мүмкіндік. Таза сана мен дұрыс шешім адамды биікке шығарады. Сондықтан әрқайсымыз есірткіден бас тартып, өз өмірімізге және айналамызға құрмет көрсетуіміз керек!

#есірткігеқарсы #противнаркотиков

Адиля Жолдасбекова,
№244 Ы.Жақаев атындағы
орта мектебінің 8«Ә» сынып оқушысы.
Шиелі ауданы