Қатарға тағы бір ақылы жол қосылды. ҚР Көлік министрі Қызылорда – Арал аралығындағы 454 шақырым, 850 метр ұзақтықтағы тас жолды ақылы қолдану жөніндегі бұйрыққа қол қойды. Құжат 26 қаңтардан бастап күшіне енбек.

 Министрлік мамандары жолдың жеңіл автокөліктер үшін әзірге тегін екенін айтуда. Ал жүк көліктері мен автобустар жолды пайдаланғаны үшін ақы төлейді.

Жолда жүру құны төмендегідей:

2,5 тоннаға дейінгі салмақтағы жүк көліктері мен 16 орынға дейінгі аатобустар 0.8478 айлық есептік көрсеткіш көлемінде немесе алдын ала 0.7205 айлық есептік көрсеткіште төлейді. Бұл 2833 теңгеге тең.

32 орынға дейінгі автобус және 5.5 тоннаға дейінгі жүк көліктері кейінгі төлем бойынша 1.7145 АЕК төлесе, алдын ала төлем бойынша 1.4572 АЕК көлемінде төлей алады.

32 орыннан артық жолаушы тасымалдайтын автобус және 10 тоннаға дейінгі салмаққа арналған жүк көліктері кейінгі төлеммен 2.5623 АЕК, алдын ала төлем арқылы 2.1777 айлық есептік көрсеткішпен есептеседі.

Сонымен қатар, 10-15 тоннаға дейін жүк көтеретін көліктер кейінгі төлем арқылы 3.4290 АЕК, алдын ала төлем арқылы 2.9144 АЕК төлеуге міндетті. Ал тіркемесі бар ершікті тартқышты қоса алғанда, 15 тоннадан көп жүк көтеретін көліктер үшін кейінгі төлем бойынша 4.2768 АЕК, алдын ала төлем бойынша 3.6349 АЕК бекітілген.

Естеріңізге сала кетейік, 2025 жылғы бір айлық есептік көрсеткіш 3 932 теңгеге тең.

Дәулет ҚЫРДАН,
Сурет Нұрболат НҰРЖАУБАЙДІКІ.