Сырдария ауданының әкімі Берік Сәрменбаев Асқар Тоқмағанбетов ауылындағы дәрігерлік амбулаторияны аралап, медициналық қызмет сапасына және ғимараттың жай-күйіне мән берді.
2023 жылы күрделі жөндеуден өткен, заманауи талаптарға сай келетін нысанда тұрғындарға сапалы медициналық қызмет көрсетілуде.
– Ауылдық елді мекендерде алғашқы медициналық-санитарлық көмектің қолжетімді әрі сапалы болуы маңызды. Медициналық қызмет көрсету барысында алдын алу шараларына басымдық беріліп, тұрғындардың денсаулығын сақтау бағытындағы жұмыстар жүйелі түрде жүргізілуі қажет, – деді Берік Әбдіғаппарұлы.
Қазіргі уақытта дәрігерлік амбулаторияда ауыл тұрғындарына 8 медицина қызметкері қызмет көрсетуде. Медициналық мекеме 5 жатын орынмен қамтылған және заманауи медициналық құрал-жабдықтармен толық жабдықталған.
Аудан басшысы тиісті сала мамандарына ауыл тұрғындарына сапалы медициналық көмектің қолжетімділігін қамтамасыз ету бағытындағы жұмыстарды жалғастыру қажеттігін, жұмысты жетілдіруді тапсырды.