Бүгін Сырдария ауданының әкімі Берік Сәрменбаев «Руханият» орталығына барып, Конституциялық реформаларды ақсақалдар кеңесімен талқылады. Аудан басшысы жаңа Конституция жобасының маңыздылығына тоқталды.

– Бүгінде жаңа Ата Заң жобасы халыққа ұсынылды. Бұрын адам құқықтары мен бостандықтары қорғалуы тиіс деп жазылған болса, қазір «Мүлтіксіз» қорғалуы тиіс деп, осы арқылы Конституцияның тікелей адамдарға, адамдардың құқықтары мен бостандықтарына бет бұрғаны көрсетілді. Өмір сүру құқығы бар деген норма болған. Қазір өмір сүру құқығы абсалютті және ажырамайды дегенді нақтылап көрсеткен. Сондай-ақ, «Заң мен тәртіп» қағидаты бойынша да негізгі принциптер жазылған, – деді Берік Әбдіғаппарұлы.

Кездесу барысында Ақсақалдар кеңесінің мүшелері де өз пікірлерін білдіріп, ұсынылып отырған Конституциялық өзгерістердің ел болашағы үшін үлкен мәнге ие екенін жеткізді. Реформалардың қоғамдағы тұрақтылықты нығайтып, билік пен халық арасындағы сенімді арттыруға ықпал ететінін атап өтті.