Қызылордада тұрғын үй құрылысы қарқынды даму үстінде. Әсіресе, сол жағалаудан қолданысқа беріліп жатқан нысандар қатары қалың. Қала әкімі Нұржан Ахатов құрылыс нысандарымен танысып, ондағы жұмысты көзбен көріп, көңілге түйіп қайтты.
«Тұрғын үй құрылысы» бағдарламасы аясында Сырдария өзенінің сол жағалауынан салынып жатқан тұрғын үйлердің құрылысына бірінші барған шаһар басшысы нысандардың сапалы әрі уақытылы қолданысқа берілу керегін айтты. Бұл – үй әлеуметтік жағынан осал топтарға берілетін баспана. Тұрғындардың өмір сапасын арттыру бірінші орында тұру керегін айтты қала әкімі.
Айта кетейік, өткен жылы облыс әкімінің қолдауымен тұрғын үй құрылысын дамыту мақсатында өңірде алғаш рет сол жағалаудан 504 пәтерді құрайтын 7 қабатты 6 тұрғын үй пайдалануға берілді. Қазір 7 қабатты 84 пәтерлі 10 тұрғын үйдің жоба-сметалық құжаттары дайын, көпқабатты 50 пәтерлі 12 тұрғын үйдің құжаттары әзірленуде. Жақын күндері құрылыс жұмыстары басталады.
Махаббат САБЫРЖАН,
Суретке түсірген Нұрболат НҰРЖАУБАЙ