«Шын мәнінде кез келген мемлекетті тұрғындарына қарап бағалайды. Яғни, біздің қандай ел боларымыз өскелең ұрпаққа байланысты» – деп, Мемлекет басшысы Қасым-Жомарт Тоқаев айтқандай, мен өзімнің достарымды, сыныптастырымды, ел жастарын отаншыл, ел ертеңін ойлайтын еңбекқор, білім мен биікті бағындыратын, салауатты өмір салтын ұстанатын ұрпақ болуға шақырамын. Бүгінгі таңда бүкіл қоғам қасіреті, болашағымызға қауіп төндіріп тұрған індет – нашақорлыққа жол бермейік, достарым!

Есірткіге еліктейтіндер, оның құрығына тез түсіп қалатындар, негізінен, жастар мен жасөспірімдер. Нашақорлық – жалпыға ортақ қоғам дерті. Жер бетінде күн сайын мыңдаған өмірлерді қиып жатқан бұл ауру – әлемдік мәселе. Бұл мәселемен арнайы мамандар ғана емес, барлығымыз, әрбір адам атсалысып, салауатты өмір салтын қалыптастырайық. Достарым, есірткі адам өміріне жақсылық, қуаныш әкелмейтінін жақсы білесіздер.
Жас қырандар балапан,
Жайып қанат ұмтылған.
Көздегені көк аспан,
Мен жастарға сенемін.

Құттыбай Айболат,
Т.Жүргенов атындағы №80 мектеп-гимназиясының оқушысы.
Қызылорда облысы.