Ел Президентінің бастамасымен қолға алынған «Таза Қазақстан» акциясына елде 6,5 млн-ға жуық адам қатысыпты. Бұл бағытта Қызылорда алдыңғы қатарда.
Экологиялық акцияны іске асыру барысы қаралған Үкімет отырысында акцияны өткізу кезеңінде ауқымды жобаға қатысушылар 1,1 млн тоннадан астам қоқыс жинағаны да айтылды.
Сондай-ақ, шамамен 1,6 млн жасыл-желек те отырғызылыпты. Ал өңірлерде тарихи-мәдени ескерткіштер ретке келтіріліп, аллеялар да тазартылды. Өзен-көлдер мен су айдындары қоқыстан тазартылған.
Халықты экологиялық мәселені шешуге тартуды бағытында ашылған @TazaQazBot телеграмм-чат-боты арқылы 10 мыңнан астам өтінім түсіпті. Оның 9,7 мыңы орындалған.