Сәбит Ұлықпанұлы – мәдениет саласында 38 жыл еңбек еткен композитор, Қазақстан Республикасының Мәдениет саласының үздігі. Бүгін ол №226 сайлау учаскесіне арнайы келіп, референдумға қатысып, өз таңдауын жасап дауыс берді.
Өнер саласында ұзақ жылдар еңбек етіп жүрген композитор азаматтық белсенділік әр адам үшін маңызды екенін атап өтті. Оның айтуынша, елдің болашағына қатысты маңызды шешімдер қабылданатын мұндай саяси науқандарға қатысу – әрбір азаматтың жауапкершілігі.
Сәбит Ұлықпанұлы референдумның жоғары деңгейде ұйымдастырылғанын айтып, комиссия мүшелерінің жұмысына оң бағасын берді. Сонымен қатар, ол барша қазақстандықтарды елдің дамуына бейжай қарамай, осындай маңызды күндері өз таңдауын жасауға шақырды.