Қоғам үшін әрбіріміз жауаптымыз. Бұл қызметке, нәсілге, ұлтқа және жасқа бөлінбейтін міндет.

Соның ішінде мемлекеттік қызметші үшін жауапкершілік өте жоғары. Бұны әрбір мемлекеттік қызметші жүрегімен сезінуі тиіс. Әрине, бүгінде солай, дегенмен жалпы ережесі туралы ел білу үшін бірер шарттарын айтсақ.

Қазақстан Республикасы мемлекеттік қызметшілерінің Әдеп кодексі бұл ереже жайлы былай дейді: Қазақстан Республикасының мемлекеттік қызметі қоғам өмірінде ерекше рөл атқарады. Ол қоғамның тыныс-тіршілігін қамтамасыз етуді және қоғамдық мүдделерді ең үздік және тиімді тәсілмен қанағаттандыруды білдіреді, дейді.

Мемлекеттік қызмет қоғам мүдделеріне адалдық танытуға және Қазақстан халқының бірлігі мен елдегі ұлтаралық келісімді нығайтуға ықпал етуге, мемлекеттік тіл мен басқа тілдерге, Қазақстан халқының дәстүрлері мен ғұрыптарына құрметпен қарауға міндеттейді екенін де осы заң талабында тайға таңба басқандай көрсеткен.

Сонымен қатар мемлекеттік қызметшілер өз қызметінде мемлекеттік саясатты ұстануға және оны дәйекті түрде іс жүзіне асыруға, қоғамның мемлекеттік қызметке, мемлекет пен оның институттарына деген сенімін сақтауға және нығайтуға ұмтылуы тиіс.

Мемлекеттік қызметшінің әдептілік және мінез-құлық қағидалары – бұл қызметкерлердің азаматтармен, әріптестерімен және басшылықпен қарым-қатынаста ұстанатын негізгі моральдық нормалары мен талаптарының жиынтығы.

Ең алдымен, мемлекеттік қызметші заңдылық қағидатын қатаң сақтауы тиіс. Яғни, ол Қазақстан Республикасының Конституциясын және заңдарын басшылыққа ала отырып, өз қызметін адал әрі әділ атқаруы қажет.

Сонымен қатар, мемлекеттік қызметші азаматтарға құрметпен қарап, олардың өтініштері мен сұрақтарына сыпайы және мәдениетті түрде жауап беруі керек. Бұл қоғамның мемлекетке деген сенімін арттырады.

Тағы бір маңызды қағида – бейтараптық. Мемлекеттік қызметші өз қызметінде жеке көзқарасын, діни немесе саяси ұстанымдарын білдірмеуі тиіс.

Сыбайлас жемқорлыққа қарсы тұру да мемлекеттік қызметшінің басты міндеттерінің бірі болып табылады. Қызметтік жағдайды жеке пайдасына пайдалану, заңсыз сыйлық алу немесе парақорлыққа жол беру – мемлекеттік қызметшінің беделіне нұқсан келтіреді.

Сондай-ақ мемлекеттік қызметші жұмыс орнында да, қоғамдық ортада да әдепті мінез-құлық танытып, іскерлік киім үлгісін сақтауы тиіс.

Қоғам мемлекеттік қызметшілер өз міндеттері мен функцияларын заңдарға сәйкес барлық адал ниетімен құзыретті және тиімді түрде орындайды деп есептейді.

Мемлекеттік қызмет атқару қоғам мен мемлекет тарапынан ерекше сенім білдіру болып табылады және мемлекеттік қызметшілердің қызметтік әдебіне жоғары талаптар қояды. Бұл талаптар елдің бірлігі, татулығы, дамуының кепілі десек болғандай. Өйткені біздің еліміз көп ұлтты, дамушы ел. Достық пен бірліктің симвліне айналған мемлекет.

Айта кетейік, Қазақстан Республикасы мемлекеттік қызметшілерінің әдеп кодексі мемлекеттік қызметшілердің қызметтік әдебінің стандарттарын белгілейді және қоғамның мемлекеттік органдарға деген сенімін нығайтуға, мемлекеттік қызметте өзара қарым-қатынастың жоғары мәдениетін және парасаттылық атмосферасын қалыптастыруға, сондай-ақ мемлекеттік қызметшілердің әдепсіз мінез-құлық жағдайларының алдын алуға бағытталған.

Мемлекеттік қызметші әдепсіз болмауы керек. Өйткені елдің бет пердесі, айнасы мемлекеттік қызметші. Мұны халық та талап ете алады және әрбір қызметкер тал бойынан мін табылмастай талғамға ие болуы шарт. Ел ертеңіде, келбеті де әдептен басталды.

 Айсұлу Жаппасбаева,
Қызылорда қалалық сотының
бас маман- сот отырысының хатшысы