Қармақшы ауданындағы Жосалы ауылын газдандыруға республикалық бюджеттен 497 млн теңге бөлінген. Бұл қаржыға 21 шақырымнан астам газ құбыры тартылады деп күтілуде. Алда аудан орталығына жақын орналасқан Иіркөлде де бұл бағытта жұмыс басталмақ.
– Жосалы ауылында атқарылған ауқымды шаруалар бар. Бірқатарына тоқталсақ, 2024 жылы Жеңіс көшесіне заманауи жарықтандыру құрылғыларын орнатуға 26 млн теңге бөлініп, жұмыс толық аяқталды. Ал 2025 жылы 30 млн теңгеге П.Байшораұлы көшесі жарықтандырылды. Сондай-ақ өткен жылы 25 млн теңгеге ауылдың орталық алаңына тас төсеніш төселіп, қоршалды, – деді Қармақшы ауданының әкімі Жандос Еркінбек.