«Көктемнің бір күні – жылға азық» дейді халық даналығы. Сырдағы диқандар науқанға кірісіп кеткен. Қызылорда облысының әкімі Нұрлыбек Нәлібаев әкімдікте өткен мәжілісте көктемгі дала жұмыстарының өз деңгейінде өткізілуі керегін айтты.

– Егін науқанына дайындық күнделікті тексеріліп, көктемгі дала жұмыстары кедергісіз, сапалы және уақытылы жүргізілуі тиіс. Ұйымдастырушылық шаралардың барлығы уақытылы іске асырылып, жұмыс барысы тұрақты бақылауда болуы керек, – деді Нұрлыбек Машбекұлы.

Жиында сонымен қатар, өңірдегі өндірістің толық қуатпен жұмыс істеуі, қажеттілікпен қамтамасыз етілу, инфрақұрылымның қолжетімділігі және дайын өнімнің нарыққа өткізілуі мұқият бақылауда болуы керегі айтылды. Өңір экономикасының артуы бағытында да қатаң тапсырмалар беріліп, құрылыс жұмыстарының кестеге сәкес орындау керегі күн тәртібінде болды.

Бұдан бөлек, аймақ басшысы қоғамдық қауіпсіздікті қамтамасыз ету, рейдтерді тұрақты жүргізу, жұмыссыздық деңгейін төмендетуде тиісті шаралар қабылдау, салық базасын ұлғайту, «Таза Қазақстан» экологиялық бағдарламасы аясындағы іс-шараларды жүйелі ұйымдастыруды тапсырды.