Қызылордада орталық алаңда 7 сәуір — Дүниежүзілік денсаулық күніне орай ұлттық бағдарлама тұжырымдамасына сәйкес «Денсаулыққа бiрге! Ғылыммен бiрге!» ұранымен жаппай дене жаттығуы мен флешмоб ұйымдастырылды.
Жиында облыстық денсаулық сақтау басқармасының басшысы Алмас Әбілпатта мен медицина саласының ардагері Сағындық Шамшиев сөз сөйлеп, жиылған жұртшылықты әрдайым денсаулықтың алдын алуға шақырды.
Басқарма басшысы бiрқатар бас дәрiгерлерге мерекелiк дипломдар табыстады. Шара одан әрі концерттік бағдарламаға ұласты.
Айта кетейік, акцияда қалалық емханалар мен облыстық қан орталығы және жастар денсаулығы орталығының мамандары денсаулық бұрыштарында халыққа медициналық қарап тексеру көмектерiн көрсетті.