Қосымша құн салығы күн тәртібінен түспей тұр. Мәжіліс мінберінде де бұған қатысты түрлі ұсыныстар қаралуда. Депутат Мархабат Жайымбетов те бұл мәселеге орай премьер-министрдің орынбасары – Ұлттық экономика министрі Серік Жұманғаринге депутаттық сауал жолдады.

– Әлбетте, базардың аты — базар. Ондағы еркін сауданы қадағалау қиын. Бірақ дұрыс ұйымдастыруға мүмкіншілік бар ғой. Елімізде қолма-қол ақшасыз айналым коэффициенті жыл сайын өсіп келеді. Яғни көлеңкелі экономиканың бір көрінісі – салық төлеуден жалтару. Оның бірнеше себебі бар. Солардың бірі – салықтық әкімшілендірудің әлсіздігі, – деді Мархабат Жайымбетұлы.

Депутаттың сөзіне сүйенсек, бүгінде елдегі көлеңкелі экономика 17 пайызды құрайды. Ал бұл ақшаға шаққанда 2 – 2,5 триллион теңге салықтың бюджеттің қапталынан өтіп кетіп жатқаны.

                           (Сурет депутаттың жеке парақшасынан алынды)